Sepah təşkilatiku himoyədorəti karde xoto İronədə yolə aksiyaon.
Zinə cumə nımoji bəpeştə İroni millət həmmə vırəonədə de aksiyaon dəvoniye sepah təşkilatiku himoyədorəti kardeşone.
Bə İrirb raporti əsos, İroni millət deştə ım yolə aksiyaon sepah təşkilati bənə terroristiyə qrup elan karde barədə Trampi be məx iyən ğeyri ğanuni ğəroli məhkumış karde.
Aksiya oxoədə qıləy bəyoniyədə təsdiğ bıə ki islamiyə inğilabi oqəte sahədə sepah təşkilati zumandəti iyən rol deşməni dərmondəş karde.
Bəyoniyə dəvomədə ğeyd be: Amerkə lideron deştə sivə karnamə və anti bəşəriyət cinoyəton əcumlə Yəmən, Niqeriya, Bəhreyn, Fələstin, Əfğanıston, Suriyə və İrağədə dəheştinə ğətliamon iştən dıvləti terrorizm iyən terroriston prosniyə nımonəonin.
Zinə İroni nımojəvotə millət ijən məzlum millətonku himoyədorəti karde ıştə dini, inğilobi və insoni vəzifə hisob kardəşone və təkidışon be: bə Fələstin iyən Suriyə əleyh harcurnə ğeyri ğanuni və nohəxə hərəkəton məğlub bəbe.
Amerkə anti İron siyasəton dəvomədə Tramp İroni sepah təşkilati nomi terroristiyə qrupon siyahidə ğeyd karde loyhəş hozzo karde.
İroni milli Əmniyyət Aliyə Şura həm Amerkə ım ğəroli reaksiyadə Asiya ğərbədə Amerkə hərbion Sentkami və bəy vabəstəon bənə terroristiyə qrup elanış karde.
