Şri-Lanka terroristiyə hadisəon tələfot ziyod be; İroni səbəsəloməti mesaj.

Şri-Lanka paytəxt Kolomboədə 8 qılə terroristiyə həmləon tələfot 300 nəfər elan bıə.

Bə Royterz aqentiyəti raporti əsos zinə məsihion Pokə İd nomo bıə mərasimi cərəyonədə Şri-Lanka restoran, Kilsə iyən bomba tepmon hadisəonədə ijən 450 nəfər həm zəxmin bıən; kıştə bıə kəson cəmədə çandə xarıci toriston  həm moşahidə bıdə.

Kolombo terroristiyə həmlə bəpeştə kişvərədə cəmaəti şe-ome ğədəğən elan be iyən sosiyal şəbəkəon bastə bıə.

Dıvləti tərəfo məktəb xonəon həm tətil elan be.

Qılə holədə ki detos bə ısət hiç kəs ya qrup ım həmləon məsoliyəti ğəbol kardedəni əmmo ım kişvəri əmniyyətiyə ğıvvon 7 nəfəri dəstqir beyku xəbə dodən.

İron İslam Respublika ım xoninə hadisə məhkumış karde.

İroni xarıci vəzir Muhəmməd Cəvad Zərif zinə Twitter mesaji vasitə terrorizmi qılə be dinə beynəl xalğə təhdid hisobış karde ki dınyo bəpe de əy mubarizə bıkə.

Tırkiyə prezident Rəcəb Təyyeb Ərdoğan həm Şri-Lankaədə terroristiyə həmlə məhkumış karde.