İroni vədə Amerkə siyasəton məğlub bənine.

İroni Yolə Rəhbəri məslehətçi kişvəron vədə Amerkə siyasəton məğlub bənin zınəş be.

Qeneral seyed Yəhya Rəhim Səfəvi ıştə tojə mısohibədə əlovəş karde: İron de çand həzo sornə kanti iyən sabiğə anədə siyasi, iğtisodi, hərbi iyən nıfozi zərfiyətonış heste ki Amerkə karde ni bəzne vey rohət bəy zərbə varid bıkə. 

Qeneral mayor Səfəvi təkidış karde ki Amerkə çı İroni nati ixracati vəy qəte əzı ni votışe: Ərəbistoni bəpeştə İron çı dınyo nat viyə ehtiyatonış heste iyən qaz sahədə Rusiyə bəpeştə yolə istehsoləkə kişvəre çən Amerkə karde ni bəzne İroni məhdod bıkə. 

İroni Yolə Rəhbəri məslehətçi votışe: Ərəbiston və İ Bıə Ərəbə Əmiron vəy qədə kişvəronin və karde ni bəznen Asiya ğərbədə stabiləti və əmniyyəti mehvər yəni İroni məğlob bıkən. 

Qeneral mayor Səfəvi Amerkə və sionist rejimi bə zəifəti tərəf hərəkətəkə hisobış karde və təkidış ka: detosə ome 10 sori mıddət Amerkə hukmən Asiya ğərb məntəğəku xaric bəbe.