Zərif: Trampi dıvlət Amerkə ğeyri etiboş karde.

İroni xarıci vəzir votışe: çı Trampi dıvləti siyasəton Amerkə ğeyri etiboş karde.

Bə İrna raporti əsos Muhəmməd Cəvad Zərif bə Faks Niyoz aqentiyəti votışe: Amerkə pidəşe har çəxtə ki imkonış bıbu İroni milləti təziği jiədə ğəror bıdə hətto İronədə ovəyzi cərəyonədə Amerkə de bankiyə sanksiyaon bə İron puliyə koməkon vədə mane bıə.

Zərif bə İroni rəketiyə bərnomə işorəş karde və votışe: İroni rəketiyə bərnomə barədə Əmniyyət Şura 2231 nomo bıə ğətnomə sə rost təsdiğ kardedə ki sıvoy ətomiyə rəketon İron co rəketon soxte bəzne iyən detosə bə ısət qırd rəketon piki antniyaon orbitədə ğəror doe xoto istehsol bıə.

İroni xarıci vəzir sepah təşkilati barədə həm iddeon rədış karde və votışe ım təşkilat hiç faxt Amerkə hərbion kıştəş ni və hejo de terrorizm mubarizə barədə sahədə cəhd kardedə.

Əv bə İrağədə sepah təşkilati komək, terrorçiyə qrupon məhv karde cərəyonədə ijən çandə ım roədə şəhid doe işorəş ka.

İroni xarıci vəzir ijən de Royterz mısohibə karde bə Tehroni təcrobəon sanksitaon be əsər kardero işorə və əlovəş karde: Tehron ım sahədə vey təcrobəonış heste əmmo əqə Amerkə təziğon ziyod bıbu İron çı VPT muğaviləku xaric bəbe.

Əv de Amerkə muzakirə karde soali cəvobədə həm votışe: Amerkə əmələdə subutış karde ki ğeyri etiboinə kişvəre.

İroni xarıci vəzir tojədən Amerkədə mısohibəon bəpeştə Twitter mesajədə ijən təkidış karde ki B qrup yəni Bolton, Benyamin Netanyahu, Bin Səlman və Bin Zaed anti İron siyasəton ifşo bəkam.