İron və Tırkiyə miyono mıştərikə əloğəon stratejik muğavilə imzo bıə.

İroni xarıci vəzir və Tırkiyə xarıci vəzir zinə 2 tərəfiyə əloğəon icra karde iyən co muğaviləon komil karde xoto mıştərik iğtisadi həmkarion stratejik kamissiya təşkil doe sazışi imzoşon karde.

Bə İrna raporti əsos İsfəhanədə Muhəmməd Cəvad Zərif bə Tehron-Ankara miyono əloğəon çok və bə inkişof tərəf bey işorəş karde və votışe: Tırkiyə xarıci vəziri ım səfər vey muhimm iyən çokə zəmonədə əncom bıə. 

Əv bə tecarət sahədə həmkarion inkişofi zəminə hozzo bıə bey işorəş karde. 

Molod Çavoş Oğlu həm ım vindemonədə votışe: Tırkiyə pidəşe həmmə sahəon əcumlə siyasi, iğtisadi və mədəni baxşonədə de İron əloğəon hevoj bıkə. 

Enerji, bank, turizm, beynəl xalğ məsələon, iyən məntəğə xusosi Suriyə, Yəmən və Fars dıyo barədə həm 2 tərəf muzakirəşon dəvoniye. 

Molod Çavoş Oğlu 5 şambə bə İsfəhan səfərış kardə be.