Ətomiyə sazışi oqəte xoto Avropa siyasi xərcon doe əzı ni.

İroni xarıci vəziri siyasi muavin de Beritaniya xarıci vəziri muavin vindemon karde votışe: ətomiyə sazışi barədə Avropa beko mande ğəbul kardənin ni iyən İron və Avropa tərəfon ehdemonon miyono həmohənqi moşahidə nibəbe.

Seyed Əbbas İrağçi təkidış karde: Avropa şirkəton çı Amerkə maliyə vəzarətxonəku tarsiyədən və ım yəni Avropa ıştə sərhəddonədə həm hakımiyətış ni.

Əv ətomiyə sazışi çərçivədə ijən bə İroni ehdemonon kam bey zumandə ğəroli işorəş karde və əvış çı İroni həx-huğuği bəji karde çərçivədə hukmən icra kardənin zınəş be.

əv de Amerkə yolə şəxə rəftoron bə i co hərəkət karde siyasətonış bo Beritaniya vey xətərnok zınəş be ki fəğət İroni milləti nifrəti bois bəbe; çən Beritaniya bəpe bə ehdemonon əməl karde kənoədə İroni həx-huğuği rəsmi bezono.

Seyed Əbbas İrağçi həssos Nazənin Zağeri dosiyə barədə həm təkidış karde ki İron jıqo şantajə hərəkəton vədə təslim ni bəbe.

Zinə şəv İroni xarıci əloğəon stratejik şura rəis Seyed Kəmal Xərazi həm de Beritaniya xarıci vəziri muavin Andero Morison vindemon karde cərəyonədə votışe: əqə 60 rujə mıhlətədə Avropa ehdemonon əməl nıbun İron tojə dıvrə hərəkəton ətomiyə sazışi çərçivədə əncom bədoy.