Yaponiyaədə G20 iclos bino bıə.

Amerkə və diqər kişvəron miyono ticari ixtilofon sayədə Yaponiya Ozaka şəhrədə G20 14-ə iclos bino bıə.

Bə İrna raporti əsos, Asiya Ğərb məntəğə təhəvolaton, Amerkə de Çin iyən Hindistani miyono ticari ixtilafon, Koriya nimə ğitə məntəğədə ətomiyə bıhran iyən həvosəti barədə muzakirəon ım iclosi muhimmə mehvəronin, Yaponiya i minnə vəzir Abe Şinzo həminə iclosi rəise.

Amerkə, Fransə, Çin, Rusiyə, İndoneziya, Tırkiyə, Arqentina, Hindistan, Cənubi Afriqa, İnqiltərə, İtaliya, Yaponiya, Ərəbiston, Avesteraliya Braziliya, Kanada, Cənubi Koriya, Mekzika iyən Avropa İbemon çı G20 qurupi uzvonin.

Im iclisədə uzv bıə kişvəron iğtisodi vəziron iyən mərkəzi bankon rəison həm iştirokışon karde.

G20 çı dınyo həmməy iqtisodiku 85 faizi xıvande ki 1999 ədə iyən tojə zuhur kardə zumandə kişvəron dıno iğtisodədə iştirok doe xoto icod bıə.