Yolə Britaniya bə Amerika təcavuzkarə plani əleyh beşe

Yolə Britaniya Xarici Koon vəzir Ceremi Hant`i bəyon kardəşe ki, “hətto Amerika çe Londoniku xahiş bıkoən, əmə de İroni muharibədə bə Amerika umjən əqınimon, diə məkəmon ki, AİŞ çəmə ən nezə muttəfiğe, bə yəndı xahişon de hurməti əməl kardedəmon, əmo təsəvvur kardedənimon ki, bə ım muharibə əmə rozi bəbemon. Çunki, İron bə nuvə sazişi şərton əməl kardedə.

Rusiya Xarici Koon Vəzarəti İnformasiya Departamentiku məlumat doəşone ki, Vaşinqton ıştə  elan kardə dialoqə təklifi məqəvuji ıştənən bə puç bekardedə. Çey bə İroni Ali Dini Lider Ayətullah Xamenei və diqər barzə mənsəbinə rəsmiyon sanksiya tətbiğ karde ım təəssurati bə əməl vardedə. Vəzarəti rəsmi numayəndə ımən ğeyd kardəşe ki, ıştəni çe dınyo ali hakim hiss kardə Vaşinqton. bə çey diktə tabe nıbəkəson cəzo doe ro yaman tadi qətedə. Im məlumat “Nur-az.com” sayti bə əhandon nəzə rosniəşe.

Iron İslamə Respublika prezident Həsən Ruhaniən votəşe ki, bə Ayətullah Seyid Əli Xamenei sanksiya tətbiğ karde axməxə və beməntiğinə hərəkəte. Çəmə lideri sodə qıley jimonış heste. Ey bənə kali xariciə lideron milyon və milyardonış ni, daima ibadət kardə ibadətqahonış mevcude.

Hindistani Nuə Dehli şəhərədə çe  Amerika bə İron, Kuba, Venesuela, Suriya, Yəmən, Fələstini xalqon munasibətədə deşmenə siyasəti etirazə aksiya dəvuniəşone. Im tədbirədə deputat Dey Raca ıştə nitğədə votəşe ki, Hindistani cəmiyyət bə Amerika imperialistə, təcavuzkarə siyasəti muxalife, Hindistan bəpe bə çey təzyiğon tabe nıbo, bəştə xalği mənafe muvafiğ ıştə mustəğilə siyasəti bə nav bıdo.