Zərif: İron bənə Avropa bə ətomiyə sazış əməl bəkarde.

İroni xarıci vəzir zinə şəv bə Avropa tojə bəyaniyə reaksiya nışoş do və votışe: detosə bə zəmon ki Avropa bə ətomiyə sazışi iğtisodi ehdemonon əməl nıkə İron həm bə ım sazış jıqo əməl bəkarde.

Muhəmməd Cəvad Zərif ıştə Twitter mesajədə əlovəş karde: Jıqo ədolətin bəbe ki İron həm bənə Avropa zəmoni bə ehdemonon komil bəkay ki Avropa həm bəştə ehdemonon komil əməl kardero cəhdış bıbu.

Tojədən Avropa kişvəron qıləy mıştərik bəyaniyə vositə İroni tojə hərəkət ətomiyə sazışi çərçivədə ehdemonon kam karde 2–nə ğədəm və mərhələ icra bey bəpeştə iddeoşon karde ki Avropa i bemoni ehdemonon əməl bey bə İroni rəftor vabəstəy.

Avropa pidəşe ki urani qəncin karde barədə ijən bə dəvarde vəzyəti oqardo.

Tojədən Viyanaədə bıə beynəl xalğ təşkilatonədə ironi daimə nımoyəndə Kazım Ğərib Abadi həm təkidış karde ki ətomiyə sazışi çərçivədə urani qəncin karde İroni oşko və normal həx-huğuğe ki İron çəy barədə hıç kəsiku icozə nibəsəne.