Amerkə və munafeğin terroristiyə qrupi miyono həmkarion.

İ Bıə Milləton Təşkilatədə İroni səfir və daimə nımoyəndə votışe: Amerkə de munafeğin terroristiyə qrup nezə həmkari kardedə.

Bə İrna raporti əsos Məcid Təxte Rəvançi zinə Əmniyyət Şura iclosədə İronış terrorizmi vədə ğəboni bıə kişvər hisobış karde və votışe: de məntəğə və Avropa himoyəon ısət munafığin terroristiyə qrup İronədə xərabkaranə hərəkəton əncom doe xoto de Amerkə kəşfiyot və əmniyyət təşkilaton həmkari kardedə.

Əv bə İronədə çandə rəsmi şəxson iyən muxtəlif cəmaəton terroristiyə əməliyatonədə şəhid bey işorəş karde və votışe: İron de 17 həzo terorr şəhidi xıvand bey co tərəf ım sahədə de terrorizm mubarizə barədə navdəşə kişvər hisob bıdə.

Təxte Rəvançi təkidış karde: Amerkə rəsmən de munafığin terroristiyə qrupi terroriston siyahiku xaric karde vasitə ısət bə ım terroristiyə dastə uzvon əmonış doe ta çəvonku anti İron fəaliyəton cərəyonədə istifodəş bıbu.

Əv bə İron, İrağ və Suriyə miyono əloğə və həmkarion bənə İŞİD terroristiyə qrupi məhv karde cərəyonədə işorəş karde və əvış kişvəron dıvləton rəsmi dəvət və tələbon xoto zınəş be ki İroni de terrorizm mubarizə barədə iradəon nımunəy.

Əv de nakotik maddon mubarizə barədə sahədə həm bə İroni zumandə mubarizə və mısbət karnamə işorəş karde və votışe: nakotik maddon kəşf karde xoto İron de 40 faiz çı dınyo kəşfon vasitə dınyoədə i minə vırədəy.