Fars dıyoədə İroni bə qıləy nat kırnə tankeri komək.

İroni xarıci vezarətxonə sıxənəvot zinə şəv Fars dıyoədə qıləy nat kırnə tankeri mısodirə karde iddo barədə votışe: texniki problemon xoto Fars dıyoədə qıləy nat kırnə tankeri xərob bey bəpeştə İroni ğıvvon bəy komək kardışone və ısət ım kəşti İroni sərzəmini ovonədəy.

Bə İrib raporti əsos Seyed Əbbas Mosəvi təkidış karde ki ım hadisə detalon barədə peşo məlomat bədamon.

Kali ğərbi və ərəbi aqentiyəon anti İron senari dəvomədə jıqo elan və iddeoşon karde ki Fars dıyoədə qıləy nat kırnə tanker de İroni xərobkaranə hərəkəton qim bıə.

Im nadırıstə xəbə ədə jıqo iddeo bıə ki İ Bıə Ərəb Əmiron qıləy nat kırnə tanker de Panama boydeği Hormuz tanqədə iyən İroni əvonədə qim bıə.

Im qılə holədəy ki İyoni 13, Umman dıyoədə 2 qılə otəş qəte nat kırnə tankeriku əkəyon de İroni komək xilos bıən və İron deştə koməki ım məntəğə əmniyyəti oqəte çərçivədə ko kardedə.