İroni xarıci vəzir: yoləşəxəti iyən icbori əsr sə be.

İroni xarıci vəzir votışe: be ğanunə hərəkət, unilateralizm və bə co qrupon mənafe diğğət nıkarde zəmon sə be.

Muhəmməd Cəvad Zərif ımruj Tehronədə bəşər həxon beynəl xalğə ruj iyən insonə kramət iclosədə əlovəş karde: İron bəşər həxonku himoyədorəti karde qıləy illahi vəzifəon kənoədə bo milli əmniyyətiro lozim zınəydə boçi ki İronədə əmniyyət bə milləti nəzər vabəstəy.

İroni xarıci vəzir təkidış karde ki kişvəron milli əmniyyəti hırye ə be ni və votışe: kali kişvəron ıştə tale və əmniyyəti vabəstə mande sayədə zınəydən ki de pol və silah karde bəbe əmniyyəti oqəte əmmo bəpe tarix və dəvardəyonku dərs və ibrət peqəton.

Zərif votışe: kali kişvəron ısət həm omidvarin ki sionist işğaləkə rejim de 70 sor cinoyəti sabiğə və kanti əv həm de kon kə rəket mudafiə sistemi çəvonku mudafiə bıkə və hol ım ki əv iştən muğavimət qrupon vədə məğlob be.

İroni xarıci vəzir bə hirofima ətom bombardımoni sorəqardış həm işorəş karde və votışe: həmonə əğidə ki canqi bə oxo rosniye xoto bə çand həzo inson, jen və hırdəni bə i kərə ğətliam karde etığadış bıbu çəy fik fəğət terroristi, istikbori iyən ğanuniku fəror kardey.

İroni xarıci vəzir təkidış karde ki deşmənon tərəfo İrono fobiya təbliğon  illət İroniku tars və ğeyzin bey xotoe.