Qeneral Səlami: deşmənon əğl və siyasət qədə qədə məhv bıdə.

İroni sepah təşkilati fərmondə votışe: İroni milləti muğavimət deşmənon siyasiyə depresiya bois be və ım məğlubiyət çəvon həmmə sahəonədə muşahidə bıdə.

Qeneral Husein Səlami zinə Kermanşahədə əlovəş karde: deşmən de koalisiyaon icod karde anti İron iğtisodi, əmniyyəti və hərbi fişaron icodış karde əmmo həğiğət ıme ki deşmən bə məğlobiyəti tərəf şedə.

Əv bə İroni səbarzətionədə yolə rəhbəri tədbir işorəş karde və votışe: ımruj məntəğədə kali ərtışon de İroni islamiyə mənteği əv həm sionist rejimi məhv karde xoto icod bıə.

Qeneral səlami təkidış karde ki deşmən canqi bino karde ğəsdış ni əmmo əqə canq bıbu sionist rejim ciddi təhdid bəbe və çəy məhv bey bevəyndemon.

Sepah təşkilati fərmondə ijən votışe: İroni iğtidor və zumandəti ısət deşmənon sərqərdonti və məntəğə kişvəron depresiya bois bıə.

Əv Kermanşaədə co qılə mərasimədə həmtəkidış karde ki deşmənon ehtımaliyə həmləon de zumandə reaksiya dimbə dim bəben.