Azadəon bə İron oqarde sorəqardış.
Imruj miladi 2019-ə sori Avqostə manqi 17 canqi səbarzə əsiron bə İroni islamiyə vətən oqarde sorəqardışe.
1990-ə sori Avqostə manq(Hicri Şəmsi 1369-ə sori Mordad manqi 26-ə ruj) İslamiyə İron səbarzə azadəon bə vətən oqarde şohid be ki çandə sor iraği Bəəs rejimi dəhşətinə zindonədə əsorəti bəpeştə, bəştə islamiyə kişvər ğədəm nodə bin.
Azadəon oqarde çandə sor şiddətinə işkəncəon vinde bəpeştə deşmeni vədə ironi milləti huşinə muğaveməti vositə bə dast omə.
Azadəon bə islamiyə vətən oqarde ijən bə ironi zidd bıə iraği Bəəs rejimi 8 sorə icburi canqədə, ironi ğəsəm hardə deşmenon ziyod tələbion vədə ıştə prinsipon və hədəfon roədə muğavimət karde nəticədə be.
De həminə mınosibəti ım ruj və ım haftə bə ironıjə səbarzə azadəon ehtirom karde məxsusə mərasimon və bərnamon bərpo bedə.