Qris 1 bə Miyonə dıyo tərəf hərəkət kardedə.

İroni dıyo nəğliyot idarə muavin İronıjə nat kırnə tankeri ijən mısodirə karde barədə iddio rəddış karde və votışe: ozodəti bəpeştə Qris 1 bə Miyonə dıyo tərəf hərəkət karde holədən.

Əv mediyaonədə muntəşir bıə xəbəon rəddış karde və votışe ki hiç curnə tojə xətər İronıjə natə tankeri təhdidəkə ni.

İroni xarıci vəzarətxonə sıxənəvot Seyed Əbbas Mosəvi həm zinə mediyaonədə pesoxtə bıə iddea rədış karde və votışe: Qris vani ozodəti xoto İron bə hiç kəs yəxanış doe ni.

Əv təkidış karde ki İron ijən bəştə kanə və tojə meştərion nati bəhəvate iyən ım ğanuni ko barədə bə hiç kəsi izah doe ğəsdış ni.

Seyed Əbbas Mosəvi votışe: İron həmmə sahəon əcumlə nat və enerji baxşonədə ijən Suriyə peştədə bemande.

İroni natə keşti de pesoxtə bıə iddeo əcumlə Suriyə sanksiyaon ləğv karde xoto cəhd karde Cəbəl Əltareğədə de Amerkə və İnqiltərə xəbisə plani və be əsosə mısodirə bıə be.