Avropaədə Zərifi muzakirəon.

İroni xarıci vəzir Fars dıyo əmniyyəti təmin karde barədə bə İron və Finlandiya miyono mıştərikə nəzər işorəş karde və votışe: Fars dıyo əmniyyəti votımonon barədə İron və Finlandiya nəzəron həmohənqin.

Bə İrna raporti əsos Muhəmməd Cəvad Zərif Helsinkiədə jurnaliston cəmədə bə Avropaədə ıştə ım səfəri işorəş karde və votışe: Yəmən iyən Əfğanıstani barədə de Norviç, İsviç və Finlandiya rəsmi şəxson muzakirə bəkamon.

Əv ım muzakirəon lozim zınəş be və votışe İroni məntəğə şərayet bois bıə ki ım mıvzoon barədə sohbət kəmon.

Zərif bə İron-Avropa miyono muzakirəon əhəmiyyət işorəş karde və bə ətomiyə muğavilə çərçivədə votımonon dəvom təkid kardışe.

Əmmo İroni xarıci vəzir zinə bə Koveyt ıştə səfəri bəpeştə elanış karde ki bə Koveyti rəsmi şəxson elan kardımone ki məntəğə əmniyyəti oqəteyro bə xarıci ğıvvon vabəstə mande əvəzi məntəğə votımonon iyən bə yande hərbi təcavuzon karde muğavilə bəpe əncom və təsdiğ bıbu.