Avropaədə İroni xarıci vəziri muzkirəon dəvom.

İroni xarıci vəzir ıştə Avropa səfəri dəvomədə bə İsveç varid be.

Bə İrib raporti əsos Muhəmməd Cəvad Zərif İsveçədə bıə İronıjon cəmədə bəştə əleyh bıə Amerkə sanksiyaon be təsir zınəş be və Fransə ədə ome rujon de Fransə prezident və Fransə xarıci vəzir vindemon kardeku xəbəş do.

İroni xarıci vəzir bə Amerkə zalimanə anti İron sanksiyaon işorəş karde və votışe: İroni millət ijən bənə dəvardə dıvranon bə muğavimət karde dəvom dodə.

Zərif Avropa tərəfo məxsusə maliyə mexanizm İnsteks işorə və təkidış karde: ım qıləy çokə əbzare ki de ko karde şərti foydəin bəbe.

Zərif zinə şəv Finlandiya səfəri bəpeştə bə İsveç varid be; əv peşo bə Norveç iyən Fransə həm səfər bekarde.

İroni xarıci vəzir zinə de Finlandiya xarıci ticarət və inkişof vəziri vindemon karde cərəyonədə votışe: Amerkə anti İron siyasəton fəğət bə İron məhdud ni bəbe.

Əv de Finlandiya xarıci vəzir bə i co bıə xəbə iclosədə həm votışe: İron bə de Amerkə muzakirə karde meylış və har curnə vasitəon fəğət de bə ətomiyə muğavilə oqarde bəpe əncom bıbu.

Muhəmməd Cəvad Zərif bə Finlandiya səfəri cərəyonədə ım kişvəri prezidenti həm vindemon kardəş be.