Keşmir məntəğədə bıhran dəvom kardedə.

Keşmir məntəğədə Hindıstani əmniyyətiyə ğıvvon və silahinə qrupon miyono daveon nəticədə i nəfər çı qrupi uzvon və i nəfər Hindıstani hərbion kıştə bıən.

Həminə daveonədə i qılə hərbi həm zəxmin be.

Zinə həm Pakistoni ərtış ğıvvon sıxənəvot Keşmir sərhədədə 6 nəfər çı Hindıstani sərhəd məmoron həlok beyku xəbəş do.

Im xəbə ədə ğeyd bıə ki çımiku bənav iyən Hindıstani hərbion rəket ğande əməliyotədə 3 nəfər çı Pakistoni sərhəd əhali kıştə bıə bən.

Siyasi meydonədə həm Pakistoni xarıci koon vəzir Şah Məhmud Ğoreyşi tojədən elanış karde ki İslam Abad pidəş Keşmir məntəğə bıhrani de beynəl xalğ təşkilaton zərfiyyət xusosi Hağğə ədliyə məhkəmə ədə təğib və həl bıkə.

Pakiston çəy bəpeştə ım ğəroli elanış karde ki noyə Dehli Keşmir məntəğə barədə muzakirə karde tələbon rəddış karde.