İrağ və Livanədə sionist rejimi de otəş hənk karde.

Livani prezident bə Beyruti cənub sionist rejimi bepilotə təyyarəon həmlə məhkum və əvış çı sioniston təcavuzkaranə hədəfon nışonə zınəş be.

Bə Əlmenar kanali reporti əsos Mişel On ım həmlə və təcavuzi Livan və məntəğə ədə bə sulh və stabiləti həmlə karde tojə hədəf hisobış karde.

Livani şiəyon məclesi yol Əbdul Əmir Ğeblan həm məntəğə ədə sionist rejimi tojə təcavuzkaranə hərəkəton məhkum kardışe və bə sionist rejimi rəsmi şəxson tovsiyəş karde ki de otəşi hənk nıkon.

Həmas təşkilat həm zinə bəyaniyə sadirış karde iyən sionist rejimi bepilotə təyyarəon bə Livan təcavuz karde Livani sərhəd hakımiyəti ləğvəkə ko zınəş be.

Zinə sionist rejimi 2 qılə bepilotə təyyarəon bə Livani Beyrut şəhri cənub, Zahiyə məntəğə təcavuz kardışone ki çəvon ım təcavuz əməliyot komil be; Hezbullah ım 2 qılə təyyarəş məhv kardışe.

Sionist rejimi bepilotə təyyarəon ijən co təcavuz əməliyotədə bə İraği Ələnbar ostanədə bıə Həşədul Şoba bazaon həmlə kardışone ki i nəfər kıştə və i nəfəri zəxmin bey bois bıə.

İraği parlamentədə Əlfəth qrup həm bəyaniyə ədə İsrail rejimi ım təcavuzi de İrağ canqi elanəkə zınəş be; İraği Həşədul Şoba rəsmən Amerkə və İsrail rejimon jıqo təcavuz və bombardımonon peştədə hisobış karde; Yəməni Ənsarullah muğaviməti qrup həm məntəğə ədə sionist rejimi tojə təcavuzon məhkumış karde.

Xəbə ome ki İraği Həşədul Şoba qrup zinə Musolədə rejimi qıləy bepilotə təyyarəon məhvış karde.