Canqi vəy qəteyu Amerkə və Tırkiyə roziyəti vədə Suriyə kırdon roziyəti
Suriyə kırdon ım məmləkəti şimal hissədə canqi vəy qəteyu Amerkə və Tırkiyə sazışiku rozi mandin.
Suriyə kırdon ım məmləkəti şimal hissədə canqi vəy qəteyu Amerkə və Tırkiyə sazışiku rozi mandin.
Tırkiyə prezdent Rəcəb Təyyib Ərdoğan zinə de Amerkə prezdenti muavin Mayk Pens votımonədə,Suriyə şimal hissədə Tırkiyə hərbiyə əməliyati mıvəğğətə sorətədə ğət be barədə bə təvafuğ rəsin.
Bə spotnik aqentəti xəbon əsosi Suriyə kırdon yolə məğam Aldar Xəlil Suriyə şimal hissədə mıvəğğətə sorətədə canqi ğət kardeş ommid əbaxşış zınə və votışe:ım roziyəti kırdə qrupon mığaviməti xoto bə dast omə.
Suriyə demokratikə ğıvvon yolə fərmondə Məzlum Kobani həm mıvəğğətə sorətədə canqi ğət be vədə reaksiyaş nışon do və elanış karde Tırkiyə bəştə hədəfon ərəs ni.
Bə Amerkə və Tırkiyə roziyəti əsosi ğərore 120 saatdə canqi vəy qətə bıbo və kırdə ğıvvon Suriyə şimal hissədə jəqo ki Tırkiyə elanış kardə bə domo okıriyon.
