Ruhani: Amerkə canqtələbə siyasəton terrorizm otəşi rostış karde.

Nəm təşkilati iclosədə İroni prezident unilateralizim siyasətonış dınyo muxtəlif məntəğəonədə terrorizmi icodəkə əsliyə amil bə hisobış varde.

Bə İrib raporti əsos, Həsən Ruhani, Bokuədə bıə Nəm təşkilati 18-nə iclosi nıtğədə votışe: Amerkə canqtələbə siyasəton çand milyard dollar xərcon iyən fitnə və terrorizmi rişədorəti bois bıə.

İroni prezident əlovəş karde: Nəm təşkilati de diğğət bəştə cəmiyət, sərzəmin iyən beynəl xalğ icmaonədə bıə rol və sədo karde bəzne vey rohət dınyoədə tojə ğudrət ğotbi icod bıkə.

Ruhani həmçınin məntəğə noəmnə vəziyəti barədə votışe: jıqonə bıhranonku xaric bey yeqanə roon ıştə tale təyin karde xoto bə milləton həx ehtırom noe, kişvəron daxıli koonədə mıdoxilə nıkarde iyən bo muzakirə iyən votımononro zəminəon hozzo karde hestin.

Əv məntəğə əmniyyəti təmin karde barədə həm votışe: İron İ Bıə Milləton Təşkilati iclosədə Hormuzi sulh nomo plani bo məntəğə stabilətiro elanış karde ki çəy hədəf Fars dıyo hamsoyə kişvəron miyono dustanə əloğəon iyən məntəğə sulh, stabiləti, inkişof və mıtəğabil rabitəon icod karde heste.