İraği paytəxtədə terroristiyə tıpımonon dəvom.
İraği əmniyyətiyə mərkəzon Bəğdad şəhri Sədr nomo bə mikrorayonədə qıləy maşini dılədə noə bomba tıpe nəticədə 12 nəfəri kıştə beku xəbə dodən.
Bə Fars aqenti xəbon əsosi terroristiyə uzvon ımruj sıb Əlsədr nomo bə mikromayonədə qıləy maşini dılədə noə bomba tıpneədə bə 12 nəfəri kışte və xəylion yarəjə be bois bedən vote lozime bəzi yarəjəon vəziyyət həm bevəc elan bə.
dəvardə şanbə ruji həm Bəğdad şəhri qıləy ticariyə məntəğədə təşkil bə tıpımoni nəticədə 28 nəfər kıştə bedən.
Bəğdad dəvardə 5 şanbə ruji həm bə qıləy ğeyre hərbiyə şəxsi kıştə be iyən 6 nəfəri yarəjə be iraği cəbun Əlməalif nomo bə məntəğədə qıləy maşini tıpne nəticədə şohid bə.
bə irağıjə rəsmi şəxson votəyon əsosi terroriston canqi meydonədə məxsusən Neynəva şimaliyə ostanədə ısət ğeyre hərbiyə məntəğonədə terroristiyə əməliyaton təşkil doeşon ıştə planədə ğərorışon doə.
