İroni daxıli koonədə Avropa mıdoxiləon məhkum bıə.
İroni xarıci vəzarətxonə sıxənəvot votışe: mıdoxilə karde iyən iğtişaşonku himoyədorəti əvəzi Avropa bəpe bə İroni millət vəədə doə çiyon icra bıkə.
Bə İrib raporti əsos Əbbas Musəvi Avropa kişvəron tojə moğeiyət qəte, İroni daxıli koonədə mıdoxilə karde nımonə bə hisobış varde və votışe: Avropa kişvəron bəpe ıştə daxıli koonədə mışkilaton həl karde fikədə bıbun iyən Avropa har haftə hevujə etırazon damoni peydo bıkən.
Musəvi əlovəş karde: Avropa kişvəron bəpe i minə ğədəm və koədə bəştə qiədə bıə ətomiyə ehdəmonon icra bıkon.
Əv votışe: Avropa bo iğtişoşçiyon iyən umumi imkanaton xərobəkə kəsonro dıl sutne əvəzi bəpe Amerkə anti İron iğtisodi terrorizmvə sanqsiyaon vədə mınosib reaksiya nışo bıdən.
Tojədən İroni Yolə mərcə təğlidonku qıləy ni, Ayətullah Nuri Həmedani həm bə İronədə bıə dəvardə haftə iğtişaşon işorə və təkidış karde: deşmənon ijən İronədə istemori hədəfon domuədən.
İronədə benzini ğeyməti isloh karde dəvardə hafəku etıraz aksiyaon bois bıə ki bəzi iğtişoşçiyon sue-istifodəon iyən xərabkaranə hərəkəton zəminə icodış karde.
