İron çı Avrasiya xatircəmə şərike.

İroni enerji vəzir votışe: Fars dıyo nəğliyot karidorədə ğəror qəte bois bıə ki İron çı Avrasiya xatircəmə şərik bıbu.

Bə İrna raporti əsos Rıza Ərdekaniyan Avrasiya ticarət iclosədə əlovəş karde: çand sor muzakirə bəpeştə İron və Avrasiya ittifaği miyono mıvəğğət ozodə ticarət muğavilə imzo be ki 3 sori bəpeştə ım sazişi oxonə koon həm əncom bəbe.

Əv bə İron və hamsoyə kişvəron miyono İntiqrasiya siyasəton çərçivədə həmkarion işorəş karde və votışe: Avrasiya iğtisodi i bemon reqiyonal həmkari və məntəğə həmohənq siyasəton çokə nımonəy.

İroni enerji vəzir təsdiğış karde: İron bənə Asiya ğərb məntəğə muhimmə kişvər ki de Ğəfğaz və Miyonə Asiya kişvəron hamsoyəy karde bəzne ım kişvəron mənafe Anqelıje jentonədə faydonku istifodə bıkə.

Imsornə sori i minə manqonədə İroniku bə Avrasiya iğtisodi kişvəron ixracat 50 faiz rost bıə.