Avropa kişvəron be əsosə məktubi barədə Zərifi reaksiya.

İroni xarıci vəzir bə İ Bıə Milləton Təşkilati rəis Avropa 3 qılə kişvəron vığandə məktubi dılədə anti İron iddioon be əsos və du bə hisobış varde və əy bə ətomiyə sazışi əməl nıkardey xoto Avropa kişvəron be ğanunə rəftori puşniye nımumə vəsfış ka.

Bə İrib raporti əsos, zinə Muhəmməd Cəvad Zərif de Twitter  mesaji təkidış karde: İroni rəket bərnomə barədə bə İ Bıə Milləton Təşkilati əmniyyət şura Avropa 3 qılə kişvəron vığande məktob qılə nomidəkə du-təlbes be ta ətomiyə sazışi icra nıkarde bəpeştə ısət ıştə bədbəxtə be liyoğətion məxfi bıkon.

Zərif əmniyyət şuraədə anti İron ğətnoməon ləğv bey iyən peşo ətomiyə sazışi təsdiğ beyku şikilon montəşir karde bəpeştə votışe: əqə Avropa kişvəron qədə abro-həyo domunədən karde bəznen Amerkə yolə şəxətion vədə təslim bey əvəzi ıştə hakımiyət və ixtiyor həxi əməli kon.