Amerkədə Ərəbistonıjə hərbion təlim vəy qətə bıə.

Amerkə Foloridaədə qıləy Ərəbistonıjə hərbi tələbə silahinə həmləon bəpeştə ki 3 nəfər çı Amerkə şəhrvandon kıştə iyən çandə nəfəri zəxmin bey boiys bıə, Pentaqon bə ğərol omə ki ım məntəğədə 300 nəfər çı Ərəbistonıjə hərbi tələbəon təlim dıvrəon ləğv bıkə.

Çımiku bənav iyən Felorayd Eştatədə bıə qıləy hərbi mərkəzədə qullə ğande hadisə bəpeştə ım məntəğə nımoyəndə Linsi Qraham elanış kardə be ki muvəğğət forma bə Ərəbistoni hərbi tələbəon təlim doe vəy qətə bəbe.

Koşınason de diğğət bə Sentiyabrə manqi yonzə minə ruji məşhur terroristiyə həmlədə Ərəbistoni şəhrvandon mıdoxiləon ım hadisə barədə vey niqəranin.

Əvon Ərəbistoni şəhrvandon jıqonə təlim mərkəzonədə dərs hande qıləy nadırıstə ko bə hisob vardedən boçi ki əvon Amerkədə jimon karde barədə səlohiyətışon ni.

850 nəfər çı Ərəbistoni şəhrvandon Pentaqoni hərbi unniverst və mərkəzonədə təhsil kardedən.