İnqiltəraədə İroni səfir, Royterz aqentiyəti be əsosə xəbəon tənğidış karde.

İnqiltəraədə İroni səfir İroni dəvardə haftəonədə bıə iğtişoşon barədə Royterz aqentiyəti du-təblis xəbəon bə İroni və muğaviməti əleyh həmohənq plan və senari bə hisobış varde.

Bə İrna raporti əsos Həmid Bəeidinejad Twitterədə  təkidış karde: Royterz bə çəy xoto İroni iğtişoşonədə kıştə bıə kəson miğdori 1500 nəfər elanış kardə ta bo moxatəbonro ıştə vıjdə duə xəbəon bıvə kardə nin bıkə.

Bəeidinejad əlovəş ka: boçi bənə Ruyterz aqentiyəti jıqo be əsos informassiya və xəbəon muntəşir kardedə.

Əv bə çımiku bənav və bə Ərəbistoni Aramko nat təsisaton çoknə həmlə karde İroni rəsmi şəxson iclosi barədə duə xəbəon həm işorəş karde ki ım xəbə hətto İ Bıə Milləton Təşkilati tərəfo həm rəd be.

İnqiltəraədə İroni səfir təkidış karde ki bə sionist rejim vabəstə bıə mediyaon hukmən bəpe ım rejimi mənafe xidmətədə bıbun.

Ruyterz aqentiyəti tojədən qıləy be əsos xəbə və raportədə, İroni benzini ğeyməti isloh karde bəpeştə iğtişoşonədə kıştə bıə kəson 1500 nəfər elanış karde.