Əfğanıstani Hərat viloyətədə DAEŞ terroristiyə qrupi fəaliyəton.
Əfğanıstani ğərb Hərat viloyətədə İŞİD terroristiyə qrupi fəaliyəton ım məntəğə rəsmi şəxson vey niqəranış karde.
Bə Təsnim aqentiyəti raporti əsos Hərati icra hakim iyən ım məntəğə viloyəti şura muavin həm pidəşone ki Həratədə bə Daeş terroristiyə qrupi vırə kardə məntəğəon iyən bazaon həmlə bıbu.
Tojədən ım məntəğədə 7 nəfər çı İŞİD terroristiyə qrupi uzvon dastqir bıən xəbəon jıqo hikayət kardedə ki Əfğanıstani şərği viloyətonku çandə çı İŞİD terroristiyə qrupi uzvon bə Hərat omeydən və ım vırə bə vırə bey məntəğədə tojə təhdidon bois bıdə.
Əfğanıstani rəsmi şəxson vey kərə təsdiğ kardedən ki terroriston vırə bə vırə karde de Amerkə nəzarət və hidayəti əncom bıdə.
Hərat çı İroni sərhəddon nezi, Əfğanıstani qıləy orom sərhəddon və məntəğəonku bə hisob omedə.