Amerkə İroni xarıci vəziri vizaş ləğv karde.

İ Bıə Milləton Təşkilatədə İroni nımoyəndə və səfir Amerkə tərəfo bə Muhəmməd Cəvad Zərif viza nıdoe qıləy siyasi hərəkət bə hisobış varde ki İ Bıə Milləton Təşkilatiku bənə əbzar istifodə karde mənodəy və hol ım ki İroni xarıci vəzir əmniyyət şura iclosədə iştirok karde ğəsdış be.

Məcid Təxterəvançi zinə qıləy məktobədə bə ım təşkilati rəis Antoniyo Qoyrəs votışe: Amerkə bə İ Bıə Milləton Təşkilati tələb mısbətə cəvob dodə ni və ğeyri ğanuni İroni xarıci vəziri vizaş ləğv karde.

Təxterəvançi təkidış karde: ısətnə şərayetədə bəpe Amerkə siyasəton vəy qətero cari sistem və ğanun islah bıbu.

Əv tələbış karde ki bə huğuği maddon əsos, İ Bıə Milləton Təşkilati be etebo nıkardey xoto jıqonə ixtilafon həl bıbu.

İroni xarıci vəzir ğərar be dəvardə 5 şambə İ Bıə Milləton Təşkilati əmniyyət şura iclosədə iştirok karde xoto bə Niyuyork səfər bıkə ki ım səfər de Amerkə be ğanunə hərəkəti vasitə ləğv be.