Qeneral Ğasım Suleymani terrori barədə mərasim iyən reaksiyaon dəvom kardedə.

Pakistanədə İroni səfir Muhəmməd Əli Huseini votışe: qeneral şəhid Ğasım Suleymani məntəğədə beynəl xalğ terrorizm iyən istikbori vədə məzlumonku himoyədorəti karde iyən zalimon və diktatoron vədə muğavimət karde bə qıləy mədəniyəti əvəzış karde.

Almaniyaədə həm İroni səfir Məhmud Fərazəndə, İroni sepah Ğuds fərmondə qeneral Ğasım Suleymani terror və şəhadəti, alemədə Amerkə dıvlətiyə terrorizmi mahiyəti ifşoəkə bois zınəş be.

Belarusədə həm İroni səfir Morteza Bəhrami zinə bə Rusiyə Spotnik kanali votışe: qeneral Ğasım Suleymani terror əmələn İraği milli hakımiyəti poymolış karde.

İtaliyaədə İroni səfir Həmid Bəyat həm jurnaliston cəmədə bə Trampi cəmədə bə Trampi xəbisəku, qeneral Ğasım Suleymani terror əməliyati rəhbərəti işorəş karde və votışe: dınyo xusosi Avropa bəpe Amerkə Unilatralizm siyasəton vədə bemandon.

Əmmo xəbə ome zinə həm Erməniston, Çin, Malaziya, Uzbəkistan, Pakistan, Ğəzaxıstanvə Bənqeladışədə bə şəhid Ğasım Suleymani ehtırom karde mərasimon bərpo be.

İslami inğilabi nığo doə Ğuds ğıvvə fərmondə qeneral Suleymani cumə yanvari 3 nə ruji bə İraği rəsmiyə şəxson dəvəti əsosi bə ım məmləkət səfərış kardə be və  Həşsuı-şəbi muavin Əbuməhdi Əlmohəndes və 8 nəfər ki dəy həmro bin Amerkə mutəcavez və  terroristiyə ğıvvon bə İraği Bəğdadı aeroporti nezi hucumədə bə şəhodət rəsin.