Terroriston de rəket və xomparə bə Hələb şəhri hucumışon bardə.
Jan 13, 2020 11:41 Asia/Tehran
Terroriston zinə Suriyə şimal Hələb şəhri çan qılə mahləşon de rəket və xomparə hədəf qəte.
Terroriston zinə Suriyə şimal Hələb şəhri çan qılə mahləşon de rəket və xomparə hədəf qəte.
Bə Təsnim aqentəti xəbon əsosi Suriyə mənbəon elanışon kardə 40 qıləsə veyə rəket və xomparə qullə bə Hələb şəhri Əlnil,Şeyxan,Əlşəhba və Əlzəhra məntəğon tərəf ğandə bə.
Im hucumonədə Suriyə şəhrvandonku 4 nəfər kıştə və 5 nəfər həm yarəjə bən.
Im hucumon nəticədə bə maşinon,binaon iyən Hələb şəhri umumiyə vıron ziyan qıniyəy.