Laricani: Avropa i bemon ətomiyə muğavilə barədə fəğət sıxən kardedə.

İroni islamiyə şura məclesi rəis zinə şəv de Avesteriya xarıci vəziri vindemonədə ətomiyə muğavilə barədə Avropa kişvəron be əmələ siyasi tənğidış karde.

Bə İrna raporti əsos, Əli Laricani, Avropa tərəfo İnsteks nomo təklif doe be foydə mexanizmi həm tənğidış karde və votıeş: detosə bə ısət ətom muğavilədə İroni mənafe təmin bə ni.

Əv bə məntəğədə terroristiyə qrupi məğlob karde cərəyonədə şəhid hac Ğasım Suleymani cəhd iyən fidokarəti işorəş  karde və votışe: ğasım Suleymani mucahidət məntəğədə Daeş terroristiyə qrupi inkişofi vədə mane be.

Laricani əlovəş karde: İron və muğavimət be ki İŞİD-i vədə mubarizəon binoş karde əmmo Tramp fəğət şoarış do iyən həmmə kəson zınəydən ki Amerkə İŞİDış pesoxte.

Avesteriya xarıci vəzir həm ım vindemonədə bə ətomiyə muğavilə əqəte zərruriyati təkidış karde: Əleksander Şalenberq zinə ijən de İroni prezident həm vindemonış karde.

Həsən Ruhani ım vindemonədə bə İron və Avesteriya miyono bıə həmkari zərfiyyəton işorəş karde və votışe: Avropa bəpe Amerkə prezidenti ğeyri ğanuni hərəkəton vədə bemando boçi ki ətomiyə muğavilə karde bəzne məntəğə və dınyo sulhi təmin kə.