6000 nəfər İronədə bə koronavirusi mıbtəlo bıə noxəşon çok bin.

İroni səhiyyə vəzarətxonə elanış karde ki detosə bə ısət İronədə 5979 nəfər bə koronavirusi mıbtəlo bıə kəson çok bin.

Bə həminə raporti əsos İronədə 18 həzo nəfəriku vey koronavirusi qəteşone ki çəvonku 1284 nəfər mardən.

Əmmo İronədə bə koronavirusi mıbtəlo bıə kəson çı besəlomətə şəxsonku co karde xoto səhiyyə vəzarətxonə məxsusə plan ijən dəvom kardedə və detosə bə ısət İronədə 26 milyon nəfər kontrol bıdən.

Bə İron dustə kişvəron tərəfo humanitarə koməkon vığande ijən dəvom kardedə və xəbə ome ki Çin və Tırkmənıstan ijən tojə təyeb təchizaton bə İron vığandışone.

Diplomatik fəaliyəton dəvomədə həm xəbə ome ki İroni səhiyyə vəzir Səed Nəməki koronavirusi  barədə de dınyo səhiyyə təşkilati rəis həm fikiş karde.

İroni xarıci vəzir Muhəmməd Cəvad həm de koronavirusi beynəl xalğ mubarizəon barədə muzakirəşon dəvomədə bə Niqeriya, Keniya və Bulğarıstani xarıci vəziron zanqış karde.

Əv pidəş be ki de koronavirusi mubarizə barədə çərçivədə həmmə kişvəron de yande həmkari kon.