İronədə koronavirusi barədə tojə xəbəon.

İroni səhiyyə vəzarətxonə elanış karde: detosə bə ısət İronədə 7913 nəfər bə koronavirusi mıbtəlo bıə kəson çok bin.

Bə həminə raporti əsos İronədə 21638 nəfər koronavirusi qəteşone ki de təəssufi çəvonku 1685 nəfər mardən.

İronədə de koronavirusi mubarizə barde dəvomədə həm xəbə ome ki har ruj 10 həzo nəfəriku koronavirusi təyeb analiz və təyinəkə imtivon qəte bıdə.

Noxəşon çı səlomətə cəmiyətiku co karde plani çərçivədə plani çərçivədə həm detosə bə ısət bə 35 milyon nəfər nezi kontrol bin.

Qılə holədə ki İronədə de koronavirusi mubarizəon de şiddəti dəvom kardedə əmmo xəbəon Amerkə sanksiya şərayeti jentonədə bəzi məhdudiyətonku hikayət kardedə.

İroni xarıci vəzir Muhəmməd Cəvad Zərif tojədən ıştə Twitter mesajədə ijən təkidış karde ki anti İron iğtisod və səhiyyə sanksiyaon de koronavirusi komilə mubarizə meydonədə məhdudiyət və mane icod kardedə.