İronədə Koronavirusi noxəşon çok bey dəvom kardedə.

İroni səhiyyə vəzarətxonə elanış karde ki detosə bə ısət90534 nəfər İronədə bə Koronavirusi mıbtəlo bıə kəson vəziyət çok be və əvon noxəşxonəonku ozod bin.

Bə oxonə raporti əsos, dəvardə 24 saəti mıddətədə 1808 nəfər İronədə de Koronavirusi əlomət peydo bıən ki de təəssufi çəvonku 71 nəfər mardən.

Isət İronədə 114533 nəfər bə Koronavirusi mıbtəlo bıdən ki 6854 nəfər həm ıştə coni dastiku doeşone.

İronədə Koronavirusi mudiriyət qıləy şərayetədə bə dast ome ki İron vey iğtisodi bıhran və şiddətinə sanksiyaon jentonədə be; ım məsələ çı İroni səhiyyə və damon vəzir Səeid Nəməki bəyonış karde.

Bə Korona məsələ Anqel elmiyə inkişofi barədə həm xəbə ome ki İronədə məxsusə damonon istehsol həm qədə qədə bino bıə; İron muxtəlif məhsulon həm ısət bə xaric sadir bıdə; əcumlə Koronavirusi noxəşon təyinəkə cihoz ki bə Almaniya və Tırkiyə çəy sadir və ixracat dəvom kardedə.

İroni prezident həm, kişvərədə de Koronavirusi mubarizə barde sahədə anədə inkişof və ozavziyə xoto səhiyyə kadron iyən cıvonə eltiyaon zəhməti bə təğdiri loyiğ bə hisobış varde.