İron və məntəğədə bıə Koronavirusiku oxonə xəbəon.

İronədə Koronavirusi qəte kəson miğdor bə 258 həzo nəfər rəse holədəy.

İroni səhiyyə vəzarətxonə ım xəbə elanış karde və votışe: bə oxonə raporti əsos ım miğdor mıbtəlo bıə kəsonku de xoşbəxtiyəti 220 həzo nəfər çok bıən.

Əmmo tojə raporton, İronədə bə Koronavirsi mıbtəlo bey xoto təğribən 13000 nəfəri de təəssufi mardiku hikayət kardedə.

Təyeb təchizaton iyən damon sahədə əmmo xəbəon İroni inkişofiku hikayət kardedə.

Tojədən İronıjə alimon muvəffəğ bıən bo Koronavirusi zınə və noxəşon rə peydo kardero qıləy məxsusə cihozi besoxton.

Bə çand qılə xəbə həm məntəğədə bıə Koronavirusi vəziyətiku qoş bıdənən.

Tırkiyə səhiyyə vəzarətxonə elanış karde ki tosə ısət ım kişvərədə 5400 nəfər Koronavirusiku mardən. Ərəbistonədə həm 232 həzo nəfər Korona qəteşone.

Əmmo Fələstin  işğaliyə əraziku həm xəbə ome ki təğribən 36 həzo nəfər Koronaşon qəte ki çəvon təşkilati yol Saeb Əriğat rəsmən Fələstinıjon bə Korona mıbtəlo bey illəti çı sionist rejimi bevəcə iyən nadırıstə siyasəton bəyonış karde.