452 nəfər İronıj Koronavirusiku mardən.
11000 nəfəriku vey bə Koronavirusi mıbtəlo bıə kəson tojədən İronədə peydo bin, 452 nəfər de təəssufi mardən.
İroni səhiyyə vəzarətxonə elanış karde: dəvardə 24 saəti mıddətədə 11203 nəfər Koronavirusi tojə noxəş İronədə peydo bin ki çəvonku 2509 nəfər hələ noxəşxonəonədən.
Bə oxonə raporti əsos, İronədə tosə bə ısət 749525 nəfər bə Koronavirusi mıbtəlo bıən ki dəvardə 24 saəti mıddətədə de təəsufi 452 nəfər Koronavirusi mıbtəlo bıə noxəşon ıştə coni dastiku doəşone ki qırd ısət ım pandemiya nəticədə mardə kəson miğdor bə 41034 nəfər rəsə.
Əmo de xoşbəxtiyəti İronoədə Korona noxəşon miqdoriku 552747 nəfəri hal-əhvol çok be və əvon noxəşxonəonku mırəxəs və ozod bıən.
Ğəzaxıston iyən Azərbaycan Respublikaku həm xəbə omə ki ım kişvəronədə Cocid-19 pandemiya vəziyət qıvonin bıə və bə mıbtəlo bıə kəson miğdor har ruj əlovə bıdə.
Livaniku həm xəbə omə ki tosə 17 ruj ım kişvərədə anti Korona porotokolon iyən tədbiron icra bəbe və Livan rəsmən tətil bıə.
Dınyoədə Korona qəte kəson miğdor 54 milyon nəfər iyən mardə kəson ədəd həm 1 milyon 311 həzo nəfəriku vey bıə.
Əmmo de korona mubarizə barde sahədə dəvo-damon soxte iyən elmi cəhəto səhiyyəvi inkişofi barədə xəbə omə ki İroni 8 qılə soxtə damon iyən vaksənon beynəlxalğ səhiyyə təşkilati siyahiədə bənə təsirinə damoni ğeyd bıə.
