İronədə bıə Covid-19 vəziyətku oxonə xəbəron.

Dəvardə 24 saəti mıddətədə de təəsufi 96 nəfər Koronavirusi mıbtəlo bıə noxəşon İronədə ıştə coni dastiku doəşone ki qırd ısət ım pandemiya nəticədə mardə kəson miğdor bə 56717 nəfər rəsə.

İroni səhiyyə vəzarətxonə elanış karde: tojədən 6100 nəfər bə Koronavirusi mıbtəlo bıə kəs İronədə peydo bin ki çəvonku 508 nəfər hələ noxəşxonəonədən.

İronədə tosə bə ısət 1324395 nəfər Koronavirusi qətəşone ki de xoşbəxtiyəti noxəşon miqdoriku 113224 nəfəri hal-əhvol çok be və əvon noxəşxonəonku mırəxəs və ozod bıən.

Əmmo İroniku coqılə xəbə həm ıme ki İronədə bə dovtələbon vaksinasion 2 minnə test bino bıə.

Tırkiyəku oxonə xəbə ıme ki Dəvardə 24 saəti mıddətədə ijən 168 nəfər korona noxəş ıştə coni dastiku doəşone.

Dınyoədə Korona qəte kəson miğdor 94 milyon nəfər iyən mardə kəson ədəd həm 2 milyon nəfəriku vey bıə.

Amerkə de 24 milyon mıbtəlo və 461 həzo nəfər mardə kəs statestikaon cəhəto həmçenan çı Koronavirusi pandemiya behronədə dınyo kişvəron sədrədəy.