Vaezi: İronədə Rusiyə anti Korona peyvəndi istehsol xətt icod bəbe.

İroni prezident aparati rəis İronədə Rusiyə anti Korona vaksini istehsol xətt icod beyku xəbəş do.

Məhmud vaezi zinə bə Rusiyəku Korona peyvəndi hırye iyən İronədə Korona peyvəndi soxteyru Tehron-Maskva miyono bıə həmkari və həmohənqion işarəş karde və votışe: bə Rusiyə İroni səhiyə vəzorətxonə heyəti səfəri cəryonədə təvafuğ be ki İronədə Rusiyə anti Korona vaksini istehsol xətt icod bıbu.

Vaezi İroni anti Korona peyvəndi istehsoli barədə həm votışe: Pastori vaksin həm vey çokə mərhələdəy jəğo ki Kubaədə ın peyvəndi vaksinasiya incom bey holədəy və peşo çəy xət İronədə icod bəbe.

İroni prezident aparati rəis Məhmud vaezi Çiniku 250 həzo doza Korona peyvəndi hıryey iyən bə İron idxol beyku xəbəş do və votışe: çimi sə əlovə Hindustan iyən isveçiku həm peyvən hırye İroni tərəfo ciddi surəti təğib bıydə.