İstanbolı terroristiyə hucumi təşkil əkə dəstqir be.

Turkiyə mediyaon elanışon karde Turkiyə İstanbol şəhrədə bə şəvi kılobi hucum kardə kəs həminə şəhrədə dəstqir bə.

Bə ım xəbon əsosi bə Rina nomo bıə şəvi kılobi terroristiyə hucum əkə Əbo Muhəmməd Xorasani Əsən Yurt nomo bə mahlədə dəstqir bə.

nako Turkiyə Hurriyyət rujanə nıvıştəş be İstanbol şəhrədə bə şəvi kılobi hucum əkə şəxs İŞİD terroristiyə qrupi uzbəkiyə uzve terroristi ki idda bedə mərkəzi asiyaku bə Turkiyə oməy və milady tojə sori əvvəlnə saatonədə de silah bə şəvi kılob daxil bedə və 39 nəfəri kıştəy və 65 nəfəri həm yarəjə kardən.

dəvardə dekabrə manqi həm İstanbol şəhrədə 2 qılə bomba tıpe nəticədə ki çəy hədəf Turkiyə polis ğıvvon bən 44 nəfər kıştə bedən.

dəvardə iyonə manqədə həm İŞİD terroristiyə qrup İstabnolı aeroportədə bombaşon tıpniyə be.