Çini bə Amerkə doə ciddi notaon.

Çini xarıci vəzir beynəlxalğ məsələon xususi Vaşinqtoni istikbori və zu tətbiğ karde rəftoron barədə bə Amerkə notaş do.

Bə Çayna Manitorinq Post sayti raporti əsos, Vanq İi votışe, Çin de ğətiyəti bo muzakirəro Amerkə i tərəfi elan bıə şərton ğəbul nibəkarde.

Vanq İi əlovəş karde: de Çin Muzakirəkardeyro kəybəon ojin, əmmo votımon bəpe de mıtəğabil ehtıromi və qıləy bərobər şərayeti jintonədə əncom bıbu.

Çini xarıci vəzir təkidıç karde: ım ki dınyoədə qıləy kişvər ıştəni bənə zumand və bəpeə kişvəri elan bıkə və de həminə bəhonə bə co kişvəron zu tətbiğ ko Pekini tərəfo ğəbul nibəbe.

Vanq İi ijən votışe ki əqə Amerkə bə muğabilə dəvom bıdə, Çin həm de oroməti və betərs bəy reaksiyə nışo bədoy.