Xorrəmşəhri ozodəti sorəqardış.

Imruj Xordadə manqi 3 minə ruj, mayə manqi 24 İroni Xorrəmşəhr nomo bıə şəhri ozodəti sorəqardışe, İroni təğvimədə ımruj çı mığovimət, isar və sabarzəti ruj num noə bəy.

İroni muğəddəsə mudafiə ğəhrəmonə rujonədə çandə yolə fəxrinə nımunə rujon hestin ki həmişə çı İroni milləti tarixədə əvoni bənə əbədi rujon ğeyd karde bəbe, Xordadə manqi 3 minə ruj çəvonku qıləynie.

Bə İroni Xorrəmşəhri ozod karde ğəhrəmanəti məxsus bıə muxtəlif xusyətonku bə İroni tarixədə anədə muhimm bey işarə karde bəbe ki boiys be həminə zumandə iradə və ruhiyə əcumlə deşmənon vədə mığovimət karde dəvardə dıvrəoni mığoyisədə vey bəştə aliyə dərəcə iyən noğtə bırəsi.

Xordadə manqi 3 minə ruj nə ın ki Xorrəmşəhri ozod kardeədə xolasə bıbu, bəlkəm İroni mudafiə ğudrəti nışonə həmçenin təcavuzkaron vədə istiğaməti simvol be.

İronədə ımruj vey mərasimon bərpo bıə və cəmaət bə ın ruj ehtırom kardən, ta ujnən həmonə rujon ğəhrəmanəti iyən muğaviməti ıştə yod və xatirədə bəji oqəton.

Ğey kəmon ki İroni cənub ğərb məntəğədə bıə Xorrəmşəhr de Beytul-Muğəddəs numo hərbi əzəmətinə əməliyoti 578 ruj işğali bəpeştə Səddam diktatorə rejimi işğaliku ozod be, tarixədə ım səbarzə əməliyot, bənə İroni milləti muğavimət və fidokarəti simvoliku erjinə nımonə bə hisob varde bəbe.