İroni Yolə Rəhbər: səçın çı İroni milləti ruje.

İroni Yolə Rəhbər hamiyəşe: ımruj meydonədə əsli rol ifoəkəyon millətin və de sədo doe vırəonədə iştiroki iyən sədo doe bo tale və omə soron çı kişvəri kulli və əsasi vəziyəti təin bəkardən.

Bə İranpress sayti raporti əsos, İroni Yolə Rəhbər ımruj sıb saət 7 İmom Xomeyni(r) nomo Huseyniyədə bıə 110 nomo səyyor vıjnımoni ğoti vırədə prezideni 13-ə dıvrə, di və şəhron islami şuraon 6-ə dıvrə, xubrıqan rəhbəri məclesi 5-ə iyən islami şura məclesi 11-ə miyon dıvrə intixobatədə iştırokış karde və sədoşon do.

Həzrət Ayətullah Xamenei peşo səçıni çı İroni milləti ruj bə hisobış varde və votışe: ımruj meydonədə əsli rol ifoəkəyon millətin və de sədo doe vırəonədə iştiroki iyən sədo doe bo tale və omə soron çı kişvəri kulli və əsasi vəziyəti təin bəkardən, çən ımruj bə milləti məxsuse.

İroni Yolə Rəhbər əlovəş karde: bə həminə həğiğəti əsos, əğl hıkm doydə ki həmmə kəson ım milli və həmmətərəfinə imtivonədəd ıştirok bıkon, və ım ki əmə çand kərə millətiku dəvət kardeydəmon ta vıjnımonədə iştirok kon əvvəl ıme ki millət ıştən həminə ıştirokiku nəf bardən və İron həm karde bəzne beynəl xalğ meydonədə Yolə emtiyazon kəsbko.

Ə Həzrət bə har şahrvandi sədo əhəmmiyəti işarəş karde və hamiyəşe: həmmə kəson vıhnımonədə ıştirok kon, intixob kon iyən sədo bıdən, hiç kəs məvoti ki çımı iqılə sədo hiç foydəş ni! boçi ki həmin iqılə sədonku milləti milyoni sədoon təşkil bıdə.

Həzrət Ayətullah Xamenei bo rə sədo doerro ijən ıştə daimi tovsiyəş elan karde ki de xıdo niyyəti boənən və har çəxtə ki bəbe rə həminə ko iyən vəzifə əncom bıdən ta çəy mukafat bəşımə ğəsmət bıbu.