Amerkə anti İron sanksiyaon betəsirin.

Ətom sazişi sorəqardışədə İroni xarıci vəzir bə Amerkə rəsmi şəxson xətob votışe ki anti İron sanksiyaon betəsirin.

Bə İrib raporti əsos, İroni xarıci vəzir Muhəməd Cəvad Zərif ıştə tojə Tuvitter mesajədə ğeydış karde: 6 sor çimi bənav və jığonə rujonədə, ətom saziş əmniyət şura ğətnoməon jintonədə bıə qıləy məsələş, be canq iyən de siyasi sulhin roon vositə həllış karde.

Əv əlovəş karde ki: Obama oğo be ki çəy iflicəkə sanksiyaon, nə İron və nə İroni santifuqon iflic əkə ni, beməxə Tramp həm jığo puçə xəyolədə be ki anti İron maxzimum fişar karde bəzne mısbət və iflicəkə təsirış bıbu əmmo jəğo nıbe.

Zərif təkidış karde ki Amerkə prezident bəpe bə İronədə bıə inkişof iyən ozavziye statestikaon çok çoki diyə ko.