İroni prezidenti təhlif(ğəsəm harde) mərosimədə xarıci rəsmi şəxson iştirok.

İroni tojə vıjniyə bıə prezidenti təhlif(ğəsəm harde) mərosimədə iştirokiro muxtəlif kişvəronku rəsmi şəxson bə Tehron varid bıdən.

İroni islami şura məclisədə ımruj İroni tojə vıjniyə bıə prezident İbrohim Rəisi təhlif ya xod ğəsəm harde mərosim əncom bıdə.

Bə İrib raporti əsos, ımruj saət 5 və de 73 qılə kişvəronku 115 nəfər rəsmi şəxson iştiroki İroni tojə vıjniyə bıə prezidenti ağaye Sey İbrohim Rəisi təhlif(ğəsəm harde) mərosim bərpo bəbe.

Həminə muhimmə mərosimədə iştirojiro tosə bə ısət, bəzi mehmononku bə Rusiyə dumay məclesi rəis, Əfğanistoni prezident, Ermənistoni iminnə vəzir, İraği prezident, Livani Hizbullal təşkilati muavin, Livani parlamenti muavin, Serbiya parlamenti muavin, Əlcəzayeri i minnə vəzir, Bosniya xarıci vəzir, Vatikani nımoyəndə, Cənubi Kariya xarıci vəziri canışin, Şrilanka parlamenti nımoyəndə, Bənqladeşi ıştaton vəzir iyən Opek təşkilati rəisi işarə karde bəbe.

İroni tojə vıjniyə bıə prezidenti təhlif(ğəsəm harde) mərosimro muxtəlif kişvəronku rəsmi şəxson bə Tehron səfər karde 2 ruj bənav bino bıə be.