Mantəğədə Ərdoğani cohtələbion!
Cohtələbə sıxanon dəvomədə Tırkiyə prezident tojədən votışe ki məntəğədə har kəs har ko əncom doe pidəş bu bəpe Tırkiyəku icozə bıqəti!
Bə Rusia-Əlyəom sayti raporti əsos, Rəcəb Təyyeb Ərdoğan Birğəddor nomo deroni tojə nəsli bə istismor rosniye mərosimədə votışe: Ankara tojə hədəf bepilotə təyyorəon texnoloqiya inkişof doe bəbe ki bə təyyorə kırnə qəmion həmlə karde zuşon bıbu.
Ərdoğan iddioş karde ki vey kişvəron çı Tırkiyə be pilotə təyyorəon tojə modeliku istifodə karde intizorədən.
Əv ijən təkidış karde: Tırkiyə de Axenci droni bənə dınyo 3 qılə kişvəron bıə ki jığonə bepilotə təyyorəon soxte bəzne.
Çı Ərdoğani jığonə cohtələbion qıle şərayetədə dəvom kardedə ki çəy jığonə sohbəton de muxtəlif siyasi qrupon və çəxsiyəton muxalifəti dim bədim bıə.
