İronədə Koronavirusi şiddəti kam bey dəvom kardeydə.

Bə İrib raporti əsos, İroni səhiyyə vəzarətxonə elanış karde: dəvardə 24 saəti mıddətədə de təəsufi 391 nəfər Koronavirusi mıbtəlo bıə noxəşon İronədə ıştə coni dastiku doəşone.

In raporti dəvomədə ğeyd bıə ki ısət ım Korona pandemiya nəticədə İronədə mardə kəson miğdor bə 117182 nəfər rəsə.

Xəbə omə ki tojədən 15975 nəfər bə Koronavirusi mıbtəlo bıə kəs İronədə peydo bin ki çəvonku 2207 nəfər ijən noxəşxonəonədən.

Tosə bə ısət İronədə 5424835 nəfər bə Covid-19 məbtəlo bıən ki de xoşbəxtiyəti noxəşonku 4764998 nəfəri hol-əhvol həm çok bıə və əvon noxəşxonəonku mırxəs bıən.