Muzakironədə muhimmə məsələ həmməy tərəfon bəştə ehdəmonon oqardeye.

İroni xarıci vəzir bə Viyanaədə atom muzakiron bino bey astanə işorəş karde və votışe: ın muzakironədə vey muhimmə məsələ həmməy tərəfon bəştə ehdəmonon oqardeye.

İroni xarıci vəzir Huseyn Əmirəbdullahiyan tojədən ıştə Tvitter səhifədə bəştə siyasimuavin Əli Bağıri səfər iyən Avropaədə çəy muzakiron işorəş karde iyən votışe: ın ki həmməy tərəfon bəştə ehdəmonon oqardon, omə muzakironədə bənə muhimmə prinsip diğğət kardənine və bəpe icra bıbu.

İroni xarıci vəzir təkidış kardeə ki: vəzorətxonə muavin, Əli Bağıri bo 2 tərəfi iyən atom muzakirədə votımonon xoto bə Avropə səfərış kardə ki tosə bə ısət iyən həminə çərçivədə de Fransə iyən Almaniya rəsmi şəxson vindımonış kardə.

Ğeyd kəmon ki İron İslom Respublika nəzəku nakonə məsələon barədə sıhbət karde lozim ni iyən İron pidəşe ki sanksiyaon peqətey barədə əməli koon əncom bıbu.

İroni rəsmi şəxson həm elan kardəşone ki əqə ğərbion çı İroni etemo cəlb klardey fikədən bəpe bəştə qiədə bıə nakonə koon əncom və bəy bəfodor bımandon.