İronədə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 125 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor bə həm 128167 nəfər rəsə.

Xəbə omə ki tojədən 6143 nəfər bə Koronavirusi mıbtəlo bıə kəs İronədə peydo bin ki çəvonku həzo nəfəriku vey ijən noxəşxonəonədən.

İronədə tosə bə ısət 6037718 nəfər Koronavirusi qətəşoneş ki çəvonku 5695949 nəfər noxəşxonəonku mırxəs bıən.

Bə oxonə statestikaon əsos, tosə bə ısət 55732066 nəfər İronədə Koronapeyvəndi iminnə doza jəşone iyən 42193734 nəfər həm de 2 minnə doza və 514790 nəfər de 3 minnə doza jəe vaksinə bıən, ım yəni 98440590 doza tosə bə ısət İronədə Korna peyvəndiku istifodə bıə.

Koronavirus tosə bə ısət 253 milyon nəfərış dınyoədə mıbtəlo kardəşe iyən 5 milyon nəfəriku vey odəm həm ın pandemiya nəticədə ıştə coni dastiku doəşone.