Rusiyə iyən Ermənistoni rəsmi şəxson miyono bıə muzakirəon.
Ermənistoni i minnə vəzir və Rusiyə prezident Ğərəboği oxonə təhəvvolaton barədə muzakirə kardışeone.
Bə İrib raporti əsos, Ermənistoni iminnə vəzir Nikol Paşiniyan və Rusiyə prezident Veladimir Putin ın votımonədə bə məntəğədə bıə stabileti iyən əmniyəti icod kardey zəruriyati işorə kardışone.
Ən votımonədə Paşiniyan Azərbaycan Respublika iyən Ermənistoni miyono bıə ixtilafon həlliro Maskva vositəçiyəti iyən iştiroki bə təğdiri loyğ bə hisobış varde de ın cəhdonku ğədrdonəti karde bə muzakirəon idomə iyən dəvardə sori sazışi baxşon əməli bey sayədə məntəğədə əmniyət iyən stabileti tam bərpo bey təkidış karde.
Dəvardə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
